ARANE KEMBANG TETUWUHAN

Basa Jawa sugih basa kanggo nglairake pangrasane lan menehi aran marang samubarang. Salah sijine nengeri maneka jenis kembang saka tetuwuhan. Wiwit tetuwuhan palawija, herbal/rempah-rempah kaya jeruk jahe, kunir, kencur lan sapiturute.
Wis akeh wong Jawa sing lali arane kembang-kembang tetuwuhan kang biyen ngrenggani panguripan padinane. Ing blog iki dak-up date maneh  informasine saka sanak tani, sedulur lan buku seratane Padmosoekotjo kang dibabar tahun 1967. Emane aku durung nemu arane kembang jeruk.
Mangga sing wis ana disemak lan diwulangake maneh marang bocah-bocah sekolah kareben wong Jawa ora kelangan budayane.

1.Aren---dangu                                              

2.Nipah---dongong

3.Nangka---babal

4.Cubung/kecubung---torong

5. Cengkeh---polong

6.Jambu---karuk

7.Kencur---sedhet

8.Kanthil---gadhineg

9.Kacang---bundhel/besengut

10.Kara---kepek

11.Krambil/klapa---manggar

 

Manggar, kembang klapa/krambil.

 12.Kelor---limaran

13.Tebu---gleges

14.Suruh---drenges

15.Salak---ketheker

16.Pohung/tela kaspa/kaphia---ingklik

17.Lombok---menik

18.Pandhan---pudhak

19.Jengkol---cuwis

20.Pete---pendhul/penthul

21.Jati---janggleng

22.Mlinjo---uceng

Uceng (sing cilik-cilik) kembang Mlinjo.

 23.Gedhang---onthong/jantung/tuntut

24.Blimbing---Maya

Jantung/tuntut/onthong kembang gedhang.

 

Maya kembang belimbing.

25.Kapas---kadi

26.Kopi---blanggreng

27.Duren---dlongop.

 28.Jagung---sinuwun (merga kembange ana pucuk jagung)

Sinuwun, kembang jagung. diarani sinuwun merga posisine ana pucuk.

29.Kluwih---onthel

30.Jambe---mayang